Франциянын Улуттук Ассамблеясы өкмөткө ишеним көрсөтпөө чечимин кабыл алды
Франциянын Улуттук Ассамблеясы (парламенттин төмөнкү палатасы) премьер-министр Мишель Барньенин өкмөтүнө ишеним көрсөтпөө чечимин көпчүлүк добуш менен кабыл алды. Бул чечимге 331 депутат добуш берип, бул үчүн зарыл болгон 289 добуш чеги камсыздалды.
Ишеним көрсөтпөө чечимине байланыштуу премьер-министр жана өкмөт отставкага кетет. Барнье президент Эммануэль Макрон анын ордуна жаңы премьер-министрди дайындаганга чейин премьер-министрдин милдетин аткаруучу болуп кала берет.
Барньенин өкмөтүнө каршы ишеним көрсөтпөө чечиминин себеби – анын кийинки жылга карата бюджетти парламент менен макулдашпай туруп бекитүү чечими болду.
Франциянын Улуттук Ассамблеясы буга чейин өкмөттү кызматтан кетирүү чечимине бир гана жолу жетишкен. Бул 1962-жылы Жорж Помпидунун кабинети ишеним көрсөтпөө добушу аркылуу кызматтан кеткенде болгон.
Президент Макрон 73 жаштагы оңчул саясатчы Мишель Барньени 5-сентябрда премьер-министрликке дайындаган.
