Францияда 17 жаштагы африкалык өспүрүм полициянын огунан каза болгондон кийин башталган тополоңдор уланууда. Көптөгөн шаарларда демонстрациялар уюштурулуп, коопсуздукту 45 миң полиция кызматкеринин жайгаштырылышына карабастан, бешинчи күндө чыңалуу басаңдаган жок.
Ички иштер министрлигинин акыркы маалыматы боюнча, 1300дөн ашуун адам камакка алынган. Кармалгандардын көбү 13-14 жаштагылар болууда. 79 полиция жарадар болуп, 234 имарат өрттөлгөн же талкаланган.
