Кыргыз футболдук союзунун президенти Камчыбек Ташиев ФИФАнын аймактык техникалык директору Гайоз Дарсазде жана эффективдүүлүктү жогорулатуу боюнча адиси Ричард Аллен менен жолугушту. Бул тууралуу Кыргыз футбол союзунан билдиришти.
Маалыматка ылайык, жолугушуунун башкы максаты өлкөдөгү футболду өнүктүрүү пландарын талкуулоо болду.
Коноктор ФИФАнын футболду глобалдуу өнүгүшү боюнча максаттарын белгилешти. Ошондой эле алар Кыргызстандагы футболду өнүктүрүүгө өз көмөгүн көрсөтүүгө даяр экендиктерин билдиришти. Атап айтканда, Ричард Аллен таланттарды аныктоо боюнча багытын өркүндөтүүнүн жолдорун сунуштады.
КФС президенти футболдук инфраструктураны жакшыртуу жана клубдарды, академияларды, ошондой эле курама командаларды өнүктүрүү пландары менен бөлүшүп, ФИФАнын өкүлдөрүнө алардын ар тараптуу колдоо көрсөткөндүгү үчүн ыраазычылык билдирди.
Гайоз Дарсазде ФИФАнын таланттарды өнүктүрүү боюнча долбоорунун (TDS – Talent Development Scheme) маанилүүлүгүн баса белгилеп, аталган долбоорду Кыргызстанда улантуу зарыл экендигин айтты. TDS алкагында испандык машыктуруучу – Дэниэл Лимонес 15 жашка чейинки курама командаларынын өзөгүн түзгөн оюнчуларды машыктырат. Долбоордун пилоту өткөн жылы КФС тарабынан ийгиликтүү ишке ашырылып, андан соң ФИФА 2025-жылга чейин аны узарткан.
Си Цзиньпин иш-сапары менен Францияга барат
Кытайдын төрагасы Си Цзиньпин май айынын башында Францияга иш сапары менен барып, ал жерде президент Эммануэль Макрон менен жолугушмакчы. Сапардын максаттарынын бири – Украина боюнча алдыдагы тынчтык сүйлөшүүлөрүндө Россия менен бир столго отурууга Европаны көндүрүү. Бул коронавирус пандемиясынан кийинки биринчи сапар болот. Кытай лидеринин визити Париж менен Пекиндин ортосунда дипломатиялык […]
