2022-жылы футбол боюнча Дүйнө чемпиону болгон Аргентина келерки аптада жаңыланган ФИФАнын дүйнөлүк рейтингинде биринчи орунга чыгат. Бул тууралуу чет элдик спорт басылмалары Аргентина курамы Бразилиядан ашып, алдыга чыгарын жазышууда.
Маалыматка ылайык, бул көтөрүлүү дүйнө чемпиондорунун жолдоштук беттештердеги акыркы эки жеңишинин аркасында мүмкүн болот. Алгач Лионель Скалонинин тарбиялануучулары Панаманын оюнчуларынан күчтүүрөөк( – 2:0) болууда, андан кийин “Месси жана компания” Кюрасаоду ири эсеп менен жеңип алды – 7:0.
Эксперттердин айтымында, бул азырынча алдын ала долбоор жана расмий рейтингдин өзү 6-апрелде жарыяланат. Марокко менен болгон жолдоштук оюнда 1-2 эсебинде утулган Бразилия рейтингде үчүнчү орунга төмөндөйт. Экинчи сапта Франциянын командасы болушу күтүлүүдө.
