Өткөн аптадан тарта Казакстандан келген ундун баасы көтөрүлө баштаган. Бул тууралуу Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитет жыйынында депутат Жусупбек Коргонбай уулу нандын кымбатташы боюнча маселе көтөрүп, тиешелүү органдарды чара көрүүгө чакырды.
Ал эми Монополияга каршы жөнгө салуу кызматынын жетекчисинин орун басары Айбек Мамыралиев кымбаттоонун башкы себебин түшүндүрүп, бардык чараларды көрүп, өкмөткө сунуштарды бергендигин айткан.
Белгилей кетсек, жаз айында Улуттук статистика комитети 2017-2022-жылдар аралыгында дан азыктарынын баасы 51,1% кымбаттаганын билдирген.
