2024-жылы Украинанын Жогорку Радасы чет өлкөдөгү жарандарын мобилизациялоо боюнча мыйзам долбоорун даярдап жатат. Бул тууралуу Украинанын Улуттук коопсуздук, коргоо жана чалгындоо комитетинин өкүлү Вадим Ивченко билдирди.
«Январь айында эркектерди чет өлкөдө мобилизациялоо боюнча мыйзам долбоору сунушталат. Чет өлкөдө жүргөн жана мобилизацияга дуушар болгон Украинанын жарандары да чакыруу кагазын алышат, ошондой эле өз мекенинде калган аскер кызматына милдеттүүлөр. Бара турган жеринин аскер комиссариатына келүү талабын аткаруудан баш тартуу мыйзам бузууга теңештирилет жана мыйзам бузуучу үчүн кийинки кесепеттерге алып келет», – деп жазган украиналык «Strana.ua» басылмасы.
Украинанын коргоо министри Рустем Умеров мобилизация маселесин адилет чечүүгө чакырганын NSN телеканалы билдирди. Ал белгилегендей, чет өлкөдө жашаган 25 жаштан 60 жашка чейинки бардык эркектер аскер комиссариатына чакыруу кагазын алышы керек.
