Украинанын чабуулу жакында башталары тууралуу кептер бир нече жумадан бери басма сөздө жана социалдык тармактарда тарап жатат. Көптөгөн серепчилер Украинанын Куралдуу күчтөрүнүн планын жылуу аба ырайы, бронетехниканын жеткирилиши жана сокку уруу күчтөрүнүн даярдыгы менен байланыштырышууда.
Украинанын куралдуу күчтөрүнүн алдыда боло турган операциясы “контрачабуул” катары да, “чабуул” катары да сыпатталууда. Чындыгында, контрчабуул, адатта, душмандын чабуулу учурунда же андан кийин жасалган операциясы деп аталат. Бирок орус армиясынын акыркы жумалардагы аскердик операциялары күчтүү мүнөзгө ээ. Ошондуктан Украинанын Куралдуу күчтөрү жооп берүү үчүн эмес, жаңы операцияны баштоого даярданып жатат. Анын орду жана убактысы азырынча белгисиз.
Украинанын президенти Владимир Зеленский 25-мартта япониялык Yomiuri Shimbun гезитине берген маегинде жазга пландалган чабуул аскердик техника жана ок-дарылардын жетишсиздигинен улам кийинкиге жылдырылып жатканын айткан.
Бул Батыштын аскердик техникасы жок дегендик эмес. Украинанын Куралдуу күчтөрү кар эрип, унаалар өткүдөй болгондо, жетиштүү сандагы аскерлерди чогулта алгандан кийин башталат деген пикирлер көп айтылууда.
