Улуттук коопсуздук мамлекеттик кызматы мындан 17 жыл мурда Рысбек Акматбаевди мыкаачылык менен өлтүргөндөрдү тапты. Ошол кезде кримм төбөл атыккан Рысбек Акматбаев Көк-Жар мечитинен чыгып баратканда атып өлтүрүлгөн. Ауди-100 үлгүсүндөгү унаа менен келип, калашников автоматынан ок жаадыргандан кийин канкорлор изин суутуп кетишкен. УКМК жүргүзгөн комплекстүү иш – чаралардын жүрүшүндө Рысбек Акматбаевди атып өлтүргөндөр Камчы Көлбаев, Алманбет Анапияев жана “Боха Казарманский” каймана аты менен белгилүү Б. Самсалиев жана “Рембо” атыккан М. Раимбеков экендиги аныкталды. Атып өлтүрүү мезгилинде унааны М. Раимбеков башкарса, Камчы Асанбеков аркада көзөмөлдөп турган. Ал эми Алманбет Анапияев менен Б. Самсалиев аны атып өлтүрүп, изин суутуп кетишкен.
