Улуттук коопсуздук боюнча мамлекеттик комитет адвокат Самат Матцаковдун кылмыш иши боюнча расмий маалымат таратты.
Атайын кызмат Матцаков кылмышты жашыруу максатында алдамчылык жана документ жасоо боюнча айыпталып жатканын билдирди.
“М.С.А. жактоочулук ишин жүргүзүү менен сот органдарынын кызмат адамдары менен байланышы бар деп, ишенимге кирип, 22 000 АКШ доллары өлчөмүндө акча каражатын ээлеп алган”, — деп айтылат УКМКнын билдирүүсүндө.
Атайын кызмат тергөө иштеринин жүрүшүндө Матцаков өзүнүн кылмышын жашыруу үчүн жасалма документ жасаганы аныкталганын, буга байланыштуу Башкы прокуратура экинчи кылмыш ишин козгогонун билдирди. УКМК адвокаттын кылмышка катышына далил бар деп эсептейт. Учурда тергөө уланып жатканы айтылды.
Эске сала кетсек, Самат Матсаков акын Аскат Жетигендин кызыкчылыгын коргогон. Мындан тышкары Temirov Live телеканалынын журналисттери Актилек Капаров менен Акыл Орозбековдун жана KG Group курулуш компаниясынын негиздөөчүсү Имамидин Ташовдун адвокаты болгон.
Ошто системалуу түрдө акча талап кылган бажы кызматкерлери кармалды
Ошто системалуу түрдө акча талап кылып келген бажы кызматкерлери кармалды. Бул тууралуу Улуттук коопсуздук мамлекеттик комитетинен билдиришти. Атайын кызмат тарабынан “Коррупция” беренеси боюнча козголгон кылмыш ишинин алкагында 4-декабрда Кара-Суу районунун аймагында Бажы кызматынын “БИМИ Ош сервис” бажылык каттоо бөлүмүнүн кызматкерлери арасында бажы тазалоо жол-жоболорун тездетип жүргүзгөндүгү жана бажы мыйзамдарын бузууларды […]
