Европа футбол союзунун президенти Александр Чеферин россиялыктардын континенттин футболдук жашоосуна кайтып келиши ыктымалдыгы тууралуу пикирин журналисттер менен бөлүштү.
УЕФАнын башчысы ” Орусиянын улуттук курама командасы жана клубдары Украинадагы атайын аскердик операция аяктаганда гана кайтып келе алышат”,-деди
Эске сала кетсек, 2022-жылдын февраль айында Украинада атайын аскердик операция башталгандан кийин Орусиянын курама командасы жана орусиялык футбол клубдары эл аралык турнирлерден четтетилген. Буга чейин Орусиянын футбол союзунун башкы катчысы Максим Митрофанов Россияны эл аралык аренага кайтаруу боюнча УЕФА жана ФИФА менен сүйлөшүүлөр жүрүп жатканын билдирген.
