Бишкек — Ош жолундагы Төө-Ашууда узундугу 12 чакырымга жеткен жаңы тоннелдин курулушу пландалып жатат. Бул тууралуу Кыргызстандын экономика министри Данияр Амангелдиев РФ министри Максим Решетников менен Петербург эл аралык экономикалык форумунун алкагында талкуулагандыгы айтылды.
Эскерте кетсек, азыркы тоннелдин узундугу 2,5 чакырым. Ал Бишкек — Ош унаа жолунда деңиз деңгээлинен 3 200 метр бийиктикте жайгашкан. Жаңысы андан 1000 метр төмөн болмокчу.
Алдын ала эсептөөлөр боюнча, долбоордун баасы 300 миллион долларды түзөт. Өзүн-өзү 30 жылда актай алары айтылды.
