Түркия Россиянын президенти Владимир Путиндин сапарына даярдыкты баштады.
Ошол эле учурда, орус лидеринин сапарынын так мөөнөтү белгилене электиги белгилүү болду.
Буга чейин Путин менен Түркиянын президенти Режеп Тайып Эрдоган Казанда өткөн БРИКС саммитинде жолугушкан.
Эрдоган Путин менен болгон сүйлөшүүлөр боюнча өзүнүн таасирлери тууралуу айтып, орус президентинин Украинадагы ок атууну токтотууга умтулуусу бар экенин белгиледи. «Биз Путиндин туруктуу ок атууну токтотууга умтулганына дагы бир ирет ынандык»,-деп баса белгиледи түркиялык лидер.
ӨКМ: Балыкчы - Казарман - Жалал-Абад унаа жолуна кар көчкү түштү
Жалал-Абад облусунун Тогуз-Торо районундагы Балыкчы – Казарман – Жалал-Абад альтернативдик унаа жолунун 346-348-чакырымдарында кар көчкү түштү. Бул тууралуу Өзгөчө кырдаалдар министрлигинен билдиришти. Маалыматка ылайык, туннелдин ичинде болжол менен 10 унаа туруп калган. Жерине тактоо иштерин жүргүзүү үчүн 4 куткаруучу, 2 милиция кызматкери, тазалоо иштерине 1 жүктөгүч тартылган. Кошумча маалымат берилет. […]
