Түндүк Корея Испаниядагы, Гонконгдогу жана Африканын бир катар өлкөлөрүндөгү онго жакын элчиликтерин жабууга ниеттенүүдө. Бул Пхеньяндын дүйнө жүзү боюнча миссияларынын 25 пайызынын жабылышына алып келиши мүмкүн.
Өткөн аптада өлкөнүн элчилери Анголанын жана Уганданын лидерлери менен коштошуу зыяратына барышкан. Бул мамлекеттер 1970-жылдардан бери Түндүк Корея менен достук мамиледе.
Түштүк Кореянын Биригүү министрлиги Түндүк Кореянын дипломатиялык өкүлчүлүктөрүнүн жабылышын эл аралык санкцияларга байланыштырды.
Министрликтин маалыматына караганда, Түндүк Корея 159 мамлекет менен расмий мамиледе.
