АКШнын вице-президенти Камала Харрис 15-июнда Тынчтык саммити өтө турган Швейцариянын Люцерн шаарына келет.
“Вице-президент Украинанын эгемендүүлүгүнө жана аймактык бүтүндүгүнө, БУУнун Уставынын принциптерине негизделген адилеттүү жана туруктуу тынчтыкка жетишүү боюнча Украинанын аракеттерин колдоо тууралуу администрациянын милдеттенмесин баса белгилейт”,-деп айтылат Ак сарайдын билдирүүсүндө.
Саммитке Харристи улуттук коопсуздук боюнча кеңешчи Жейк Салливан коштоп барат.
Тоолуу аймактарда сел жүрүү коркунучу жогору бойдон калууда
Кыргызстандын тоолуу аймактарында сел жүрүү коркунучу жогору бойдон калууда. Бул тууралуу Өзгөчө кырдаалдар министрлигинен билдиришти. Маалыматка ылайык, бүгүн, 4-июнда күтүлүп жаткан нөшөрлүү жаан-чачынга байланыштуу Ош, Жалал-Абад, Баткен жана Ысык-Көл облустарынын тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлүшү күтүлөт. Бөлүшүү:
