Кыргызстанга келген туристтер үчүн 20 миң даана эскертме буклеттери даярдалды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгы билдирди.
Маалыматка ылайык, буклеттер туристтик мезгил учурунда чет өлкөдөн келген коноктордун коопсуздугун толук кандуу камсыздоо максатында даярдалды.
Буклеттер «Манас» эл аралык аэропорту, аймактардагы авто бекеттер жана чек аралар чектешкен көзөмөл посттору аркылуу Кыргызстандын аймагына келген туристтерге жана конокторго таратылууда.
Эскертме буклетинде коопсуздук тармагында жол кыймылынын эрежелери, ага салынган айыппулдары жана тийиштүү кызматтардын ыкчам номерлери көрсөтүлгөн.
