АКШнын жаңы шайланган президенти Дональд Трамп Украинадагы кырдаалды жөнгө салуу боюнча иштерди 2025-жылдын январь айынан баштайт.
Fox News телеканалынын эфиринде Трамптын улуттук коопсуздук боюнча кеңешчиси кызматына көрсөтүлгөн конгрессмен Майк Уолтц бул тууралуу айтты. Ал сүйлөшүүлөргө Европа мамлекеттеринин өкүлдөрү да катышарын белгиледи.
“Кимдер сүйлөшүү столунда отурарын, эки тарапты кандайча катыштыруу керектигин жана ок атышууну токтотуу боюнча макулдашуунун шарттары кандай болорун талкуулоо зарыл. Трамптын администрациясы бул багытта иш алып барат. Бул январдан тарта башталат”,-деди Уолтц.
“Биздин бардык союздаштарыбыз жана өнөктөштөрүбүз бул жүктү көтөрүшү зарыл”,-деп кошумчалады конгрессмен.
Эртең Бишкекте белгилүү хирург Мамбет Мамакеев акыркы сапарга узатылат
Эртең, 26-ноябрда Бишкекте белгилүү хирург жана окумуштуу, медицина илимдеринин доктору, профессор, Улуттук илимдер академиясынын академиги, Кыргыз Республикасынын Баатыры Мамбет Мамакеев акыркы сапарга узатылат. Саламаттык сактоо министрлигинен маалымдашкандай, акыркы сапарга узатуу иш-чарасы саат 11:00дө Улуттук хирургия борборунда болот. Белгилей кетсек, күн мурун 97 жаш курагында Мамбет Мамакеев каза болгон. Ал 1927-жылы […]
