АКШнын шайланган президенти Дональд Трамп Түндүк Америкадагы эң бийик Денали деп аталган тоонун атын өзгөртүүнү көздөп жатканын билдирди. “The Guardian” басылмасынын маалыматына ылайык, XIX кылымдын аягында бул тоо АКШнын 25-президенти Уильям Мак-Кинлинин урматына аталган. Бирок 2015-жылдын августунда ошол учурдагы АКШнын президенти Барак Обама Аляска тургундарынын талабы менен тоону Денали деп атоону чечкен.
Дональд Трамп тоого Алясканын жергиликтүү тургундары берген аталыш кайрадан Мак-Кинли деп өзгөртүлөрүн убада кылды. “Мак-Кинли тоосунун атын алып коюшту”,-деген Трамп Уильям Мак-Кинли улуу президент болгонун жана мындай урматка татыктуу экенин белгиледи.
Денали (Мак-Кинли) тоосу Денали улуттук паркында жайгашкан. Бийиктиги 6168 метр. 1896-жылы алтын издөөчүлөр бул тоону ошол учурда АКШнын президенттигине талапкери болгон Уильям Мак-Кинлинин урматына аташкан жана бул аталыш көп жылдар бою сакталып келген.
Лионель Месси жөнүндө мультфильм тартылууда
Дисней аргентиналык футболчу Лионель Месси жөнүндө “Месси жана гиганттар” аттуу анимациялык сериал жаратууда. Мультсериалдын ар бир эпизоду 22 мүнөткө созулат. Ал Disney Channel каналында, кийинчерээк Disney+ каналында көрсөтүлөт. Мультфильм таланты жана көйгөйлөрү бар 12 жаштагы Лео бала жөнүндө баяндайт. Аргентиналык бала өзүн альтернативалуу ааламда табат. Ошондуктан, ал дөөлөр тарабынан талкаланган […]
