Трамп кенже Роберт Кеннедини АКШнын саламаттыкты сактоо жана социалдык кызматтар министринин кызматына сунуштады. Бул тууралуу ал Truth Social социалдык түйүнүндөгү баракчасына жазды.
Трамптын пикиринде, Кеннеди-кичүү саламаттыкты сактоо системасынын мекемелерине илимий изилдөөлөрдүн «алтын стандарт» салттарын жана ачык-айкындуулукту кайтарат. Өнөкөт оорулардын эпидемиясын токтотууга жана Американы кайрадан улуу жана дени сак кылууга жардам бере алат.
Маалыматтарга ылайык, мындай тандоо саламаттыкты сактоо тармагындагы көптөгөн эксперттердин таң калуусун жаратышы мүмкүн. Анткени кенже Кеннеди жылдар бою вакциналардын аутизмге алып келет деген четке кагылган көз караштарды жайылтып келген.
Кенже Кеннеди 70 жашта. Ал буга чейин АКШ президенттигине көз карандысыз талапкер катары ат салышкан. Бирок кийин жарыштан чыгып, Трампты колдоорун билдирген.
ID паспортторду Tunduk аркылуу алмаштыра аласыз
Кыргызстанда ID паспортторду Tunduk мобилдик тиркеме аркылуу алмаштыруу боюнча жаңы кызмат ишке кирди. Бул тууралуу санариптик өнүктүрүү министрлигинен кабарлашты. Tunduk мобилдик тиркемеси аркылуу паспорт алмаштырууга арыз бере алышат. Документ тапшыруу үчүн калкты тейлөө борборлоруна барбай туруп, паспорт алмаштырууга мүмкүндүк түзүлөт. Кызматты ким колдоно алат? 2017-2024-жылдар аралыгында чыгарылган жаңы үлгүдөгү биометрикалык […]
