Доналд Трамп Канаданын премьер – министри Жастин Трюдого АКШнын губернаторлук кызматын сунуштады. Өткөн жумада ал Канада менен Мексикага 25 пайыз кошумча бажы салыгын киргизе турганын маалымдады.
Fox News маалымат агенттиги Канаданын премьер – министри Трамп менен жолугушуу үчүн Флорида штатына келгенин кабарлады. Ал АКШнын жаңы президентине жаңы киргизиле турган кошумча бажы салыгы Канаданын экономикасына сокку ураарын түшүндүргөн. Трамп болсо, “Канада АКШнын 51-штаты болсун, сен да губернатору болосуң”, – деген.
Сириялык козголоңчулар Хаманы басып алышты
Сириялык козголоңчулар бейшемби күнү Хама шаарына киргенин билдиришти. Президент Башар Асаддын өкмөттүк аскерлери катуу кагылышуулардан кийин негизги шаардан чегингенин билдиришти. Өткөн жумада козголоңчулар өлкөнүн эң ири шаары Алеппону басып алышкан жана ошол учурдан бери Идлиб провинциясындагы өзүнүн аймагынан Дамаскка түштүктү карай жылып баратышат. Хама 2011-жылы Башар Асадга каршы нааразычылык акциялары […]
