АКШнын жаңы шайланган президенти Дональд Трамп Канаданын премьер-министри Жастин Трюдо менен сүйлөшүүсүндө Канаданын АКШнын 51-штаты болушу керектиги тууралуу тамаша кылганын Fox News телеканалы билдирди. Телеканалдын маектештери шайланган президенттин АКШнын курамына кошулуу сунушуна премьер-министр Трюдонун «туталанып күлүү» менен жооп бергенин айтышты.
Саясатчылардын сүйлөшүүсү 29-ноябрда болгон. Бул сүйлөшүү Трамптын Канада жана Мексикадан келген бардык товарларга 25 пайыз кошумча төлөм киргизүү сунушунан кийин өткөн. Шайланган президент бул өлкөлөр мыйзамсыз миграция жана баңги заттарды аткезчилик менен күрөшүү маселелерин чече албаса, бул чараларды көрөрүн билдирген.
Алмаз Кулматов “Кыргыз Туусу” гезитинин башкы редактору болуп дайындалды
КР Министрлер Кабинетинин төрагасынын тескемесине ылайык, Алмаз Кулматов “Кыргыз Туусу” гезитинин башкы редактору болуп дайындалды. Бул тууралуу Маданият, маалымат, спорт жана жаштар саясаты министрлиги кабарлады. Жаңы жетекчини жамаатка Маданият министринин орун басары Марат Тагаев расмий тааныштырып, анын кесипкөйлүгү менен тажрыйбасын белгилеген. Алмаз Кулматов 1967-жылы төрөлгөн, Кыргыз мамлекеттик университетинин тарых факультетин […]
