АКШ президенттигине талапкер Дональд Трамп учурдагы америкалык лидер Жо Байденди жана анын администрациясын Ирандын Израилге кол салышына жана дүйнөнү каптаган башка кагылышууларга күнөөлөдү.
«Бүгүнкү дүйнөгө караңыздар — азыр Жакынкы Чыгышка атылып жаткан ракеталарды, Россия, Украинада эмне болуп жатканын, дүйнөнү талкалап жаткан инфляцияны караңыздар. Мен президент болуп турганда мунун бири да болгон эмес!»-деп жазган Трамп Truth Social социалдык тармагында. Ал ошондой эле Байденди жана АКШ вице-президенти Камала Харристи лидерликтин жоктугу жана АКШнын тышкы саясатынын алсыздыгы үчүн сындады.
«Дүйнө жалындап жатат жана көзөмөлдөн чыгып баратат. Мен үчүнчү дүйнөлүк согуш жөнүндө көптөн бери айтып келе жатам. Азыр глобалдык кыйроого өтө жакын»,-деп жыйынтыктады ал.
Садыр Жапаров расмий сапар менен Италияга кетти. Делегациянын курамы
Президент Садыр Жапаров бүгүн, 2-октябрда расмий сапар менен Италия жана Ыйык Тактыга (Ватикан) жөнөп кетти. Расмий сапардын жүрүшүндө жогорку деңгээлдеги эки тараптуу сүйлөшүүлөр күтүлүүдө, алардын жүрүшүндө кыргыз-италиялык өз ара мамилелердин бүтүндөй комплекси жана аларды өнүктүрүүнүн келечеги талкууланат. Кыргызстандын расмий делегациясынын курамындагылар: – тышкы иштер министри Жээнбек Кулубаев; -президенттин администрациясынын тышкы […]
