АКШнын жаңы шайланган президенти Дональд Трамп инаугурациясы өтө турган жерди өзгөрттү. Ак сарайдын келечектеги башчысы түшүндүргөндөй, бул чечимди ал кызматка кирише турган күнү Вашингтондо күтүлүп жаткан аба ырайынан же абдан төмөн температуранын айынан кабыл алды.
“Мен инаугурацияны Кошмо Штаттардын Капитолийинин куполундагы тегерек залда өтүшүн буйрук кылдым. 1985-жылы Рональд Рейгандын инаугурациясы абдан суук аба ырайынан улам ушундай уюштурулган”,-деп жазды Трамп.
Трамп белгилегендей, Вашингтондогу төмөнкү температура жана катуу шамал менен коштолгон аба ырайы салтанаттын конокторуна ыңгайсыздык жаратышы мүмкүн. Ошондой эле бул он миңдеген укук коргоо кызматкерлери, ыкчам кызматтар, полиция үчүн кооптуу шарттарды түзөт.
Бүгүн Бишкекте дзюдо боюнча өлкө чемпионаты башталат
Бүгүн, 18-январда Бишкектеги “Газпром” спорттук комплексинде дзюдо боюнча Кыргызстандын чемпионаты башталат. Бул тууралуу Дене тарбия жана спорт департаментинен билдиришти. Маалыматка ылайык, мелдешке республиканын бардык аймактарынан келген спортчулар катышат. Жеңүүчүлөргө Спорттун олимпиадалдык түрлөрү боюнча дирекциясы тарабынан тиешелүү даражадагы диплом жана медалдар тапшырылат. Катышуучулар төмөнкү салмак категорияларында күч сынашат: Эркектер арасында: 60, […]
