Казакстандын президенти Касым-Жомарт Токаев казак-кыргыз чек арасындагы кырдаал боюнча өкмөткө тапшырма берди.
“Мамлекет башчысы өкмөткө казак-кыргыз чек арасында түзүлгөн кырдаалды биздин өлкөлөр ортосундагы өнөктөштүк жана бир туугандык мамилелердин духунда жөнгө салууну тапшырды” деп айтылат Акорданын Telegram-каналында жарыяланган билдирүүдө.
Ошондой эле президент «чек ара аркылуу жүктөрдү мыйзамсыз алып өтүүгө жол бербөө үчүн санариптештирүү жана автоматташтырууну активдүү киргизүү маселеси боюнча кыргыз тарап менен сүйлөшүүлөрдү улантуу зарылдыгын» белгилегени айтылат.
