Өткөн жуманын аягында камакта жаткан Теңгиз Бөлтүрүктү бошотушту. Башкы көзөмөл орган берген маалыматта анын мамлекетке келтирген 844 млн. 512 миң 858 сом зыянды төлөп бергени айтылып, Бишкек шаарынын Октябрь райондук соту тарабынан бөгөт коюу чарасы үй-камагына өзгөртүлгөнү, ага коррупция беренеси менен иш козголуп, тергөөнүн жүрүшү менен мамлекетке 1 млрд. 146 млн. 449 миң 161 сом зыян келтирилгендиги аныкталганы, учурда келтирилген зыяндын 80 пайызы мамлекеттин казынасына кайтарылганы маалымдалган.
Бирок, коомчулук казынага олуттуу зыян кылган кишинин үй камагына чыгарылышына каршы пикирлерин билдирип жатышат. Белгилүү коомдук активист Канат Хасанов ” ай, бир мандем жатат деп ойлойм, муну жөн чыгарышкан жок. Качырышат же, киши колдуу кылып, көп сырлардын изин бууйт го деген ойдо олтурам”,- деген пикирин бөлүштү.
