Өзбекстандын парламент вице-спикери Алишер Кадиров Россияга «өз көйгөйлөрү менен алектенүүсү керек» деп билдирди. Ал Россия ТИМинин Ташкент мектебинде орус тили сабагында окуучунун ур-токмокко алынышы боюнча өтүнүчүнө ушинтип жооп кайтарды.
«Өзбекстан Республикасынын мектебинде баланын укугу бузулган, Өзбекстандын жараны болгон балага карата чаралар Өзбекстан элинин атынан кабыл алынган мыйзамдардын негизинде көрүлөт! Биздин ички иштерибизге тынчсыздангандын ордуна, алардын өз көйгөйлөрү менен алектенгени туура болот эле. Аларда көйгөй жетиштүү»,-деди депутат.
Вице-спикердин айткандарынан кийин Россиянын ТИМи Москвадагы Өзбекстандын элчиси Батыржон Асадовго тапшыруу жасаганын маалымат каражаттары дипломатиялык мекемедеги булактарга шилтеме кылып маалымдашты.
Тапшыруу — бул жалпы жарандык жана дипломатиялык этикетти сактоо боюнча өтүнүчтөрдү камтыган дипломатиялык ыкма.
Буга чейин интернетке Ташкенттеги №188 мектептин орус тили мугалими окуучуну бир нече жолу түртүп жаткан видеосу чыккан. Түшүнбөстүктүн себеби окуучунун мугалимден материалды орус тилинде түшүндүрүүнү суранганы болгон деп болжолдонууда. Россиянын ТИМи Өзбекстан тараптан окуя боюнча түшүндүрмө берүүнү өтүнгөн.
Чукул билдирүү! 28-29-сентябрда өлкөнүн төрт облусунда үшүк жүрүшү мүмкүн
28-29-сентябрда өлкөнүн төрт облусунда үшүк жүрүшү мүмкүн. Бул тууралуу Кыргызгидромет кызматынан билдиришти. Маалыматка ылайык, 28-29-сентябрда түнкүсүн жана эртең менен Талас облусунун дыйканчылык аймактарында жана Чүй облусунун тоо этектеринде 0…-2°, Ысык-Көл, Нарын облустарынын дыйканчылык аймактарында -1…-3° чейин үшүк жүрүшү күтүлөт. Мындай үшүк мөмө жана жашылча жемиштерге, казылып алынган жана жабылбаган картошка, […]
