Өзбекстанда Ош мамлекеттик Университетинин “Чыңгыз Айтматов атындагы кыргыз тили жана маданияты” борбору Ташкент шаарындагы Алишер Навои атындагы Ташкент мамлекеттик өзбек тили жана адабияты Университетинде ачылды.
Анын ачылышы ОшМУнун ректору Кудайберди Кожобеков баштаган жоон топ делегация Ташкент шаарына барганда ишке ашты. Ага аталган университеттин ректору Шухрат Сиражидинов жана мугалимдер, профессорлор катышышты. Борбордо кыргыз элинин тили, адабияты, тарыхы жана маданияты кеңири таанытылып, салт санаасы боюнча маалыматтар берилет.