«Ысык-Көл» эл аралык аэропортунда Ташкенттен биринчи үзгүлтүксүз каттам тосуп алынды. Бул тууралуу «Манас» эл аралык аэропортунан билдиришти.
Маалыматка ылайык, Ысык-Көлгө каттамды Өзбекстандын Silk Avia компаниясы ачты. Мындан ары Ташкент — Ысык-Көл — Ташкент багыты боюнча каттамдар шейшемби, бейшемби жана жекшемби күндөрү аткарылат.
«Бүгүн Ташкенттен Ысык-Көлгө 50 жүргүнчү учуп келди. Учуу убактысы эки саатка созулат. Келечекте алардын санын күн сайын көбөйтүү, тагыраагы июль айынан баштап аталган каттамды күн сайын аткаруу пландалууда», — деп айтылат маалыматта.
ЕБ өлкөлөрү фон дер Ляйенди дайындоо боюнча макулдашууга жетишкен жок
Европа Биримдигине мүчө өлкөлөрдүн башчылары блоктун жогорку кызмат орундарын ээлей турган талапкерлерди макулдашты. ЕБ Кеңешинин президенти Шарль Мишель жолугушуунун жыйынтыгында бирдиктүү макулдашуунун жок экенин билдирди. Мырза Мишель журналисттердин Европалык комиссиянын башчысы Урсула фон дер Ляйендин экинчи мөөнөткө кайра шайлануу мүмкүнчүлүгү жөнүндө суроосуна жооп берген жок. Жолугушууга 27 мамлекет башчысы катышты. […]
