Бүгүн Улуттук коопсуздук мамлекеттик комитетинин төрагасы – Улуттук бокс федерациясынын вице-президенти Камчыбек Ташиев 24-майда Бангкокто (Таиланд) өтө турчу лицензиялык олимпиадалык турнирге катыша турган Кыргызстандын бокс боюнча курама командасы менен жолугушуу өткөрдү.
Жолугушууда Камчыбек Ташиев улуттук курама командага олимпиадага лицензия алууда ийгиликтерди каалап, ар бир кыргызстандык спортчуда мекенге болгон сүйүү күчтүү болсо, талыкпай эмгектенип, тынымсыз аракет кылса, сөзсүз ийгиликти багындыра тургандыгын белгиледи. Ошондой эле, төрага спортчуларды өжөр жана тайманбас болууга чакырып, өлкө жетекчилиги да аларга өзгөчө көңүл буруп, жыйынтыктарга жетишүүсү үчүн ар тараптуу шарттарды түзүп жатканын кошумчалады.
Белгилей кетсек, аталган турнирге республикабыздын атынан 6 спортчу катышат.
Өз кезегинде спортчулар жана машыктыруучулар өлкө президентине жана Улуттук бокс федерациясынын вице-президентине көрсөткөн колдоосу үчүн ыраазычылык билдирип, мындан ары да өлкөнүн желегин бийик желбиретип, байгелүү орундарга ээ болуу үчүн бардык күч-аракетин жумшайбыз деп убада беришти.
Дүйнөдөгү биринчи жасалма интеллект конвенциясы кабыл алынды
Европа Кеңеши жасалма интеллект боюнча дүйнөдөгү биринчи алкактык конвенцияны кабыл алды. Аны 46 мамлекет жактырды. Документте адам укуктарынын контекстинде алдыңкы технологияларды колдонуунун бардык аспектилери жана ага байланыштуу тобокелдиктер чагылдырылган. Конвенция Европа гана эмес, дүйнөнүн бардык өлкөлөрү да кошула ала тургандыгы менен өзгөчөлөнөт. Тарыхый келишимди эки жылдан ашык убакыттын ичинде курамына […]
