Эми тарыхый инсандардын юбилейлик иш – чаралары белгиленбейт. Бул тууралуу Министрлер кабинетинин төрагасы Акылбек Жапаров бүгүн, 14-декабрда Жогорку Кеңештин жалпы жыйында билдирди.
Жапаровдун айтымында, 100, 150 жана 200 жылдык юбилейлерди туулган аймагында өткөрүү каралып жатат. Ал эми 80, 90 жылдык иш – чараларга өкмөт каражат бөлүп, кол кабыш кылбайт.
Ал эми Маданият жана маалымат министри 2024-жылга карата өлкөбүздүн түптөлүшүнө эмгеги сиңген инсандардын юбилейлик даталарын караштырып жатканын, анын ичинде Алайдан чыккан Алымбек Датканын 225 жылдыгын өткөрүү маселеси каралып жатканын айтты.
