“Суусамыр-Талас-Тараз автожолу он беш жылдан бери башталып, же, бүтпөйт. Билесиңер, Суусамырдан Таласка келгичекти он жылдан ашык убакыт болду. Жылда аз аздан жасап коюп, ал дагы бузулуп отуруп, Таласка араң жеттик”,- деди УКМК төрагасы Талас облусуна болгон иш сапары учурунда облустун жетекчилери менен жолугушуп жатып.
“Президент бизге тапшырма койду. Эми эки жылдын ичинде Талас-Тараз жолун бүтүрүшүбүз керек. Азыр долбоорду даярдаган Эл аралык уюмдар менен сүйлөшүүлөр жүрүп жатат. Жакында жумуш башталат. Бул жол да он жылга узабай, 2025-2026-жылдары бүтүш керек”,- деди ал Талас шаарынын жетекчилерине кайрылып жатып. Ал Таласка катуу көңүл бурулаарын айтты.
Мугалимди кемсинткен аялды сот жообуна тартуу сунушталды
“Өткөндө №57 мектепте аябай татсыз окуя болуп, ажаан аял мугалимди кемсинтти. Ал мугалим жумуштан кетип калды. Тиги ажаан аялга болгону 1000 сом айып пул салыптыр. Мугалимдердин айлыгын көбөйтүп гана койбой, аларды коргор, колдош керек”,- деп билдирди Жанар Акаев. Депутат басмырланган мугалимди көрүп, миңдеген мугалимдин кемсинип калганын айтты. “Эмне үчүн анын […]
