Тайвандын жаңы президенти Лай Циндэ АКШнын мамлекеттик катчысы Энтони Блинкендин куттуктоосуна жооп берип, мамлекеттер менен биргеликте иш алып барарын билдирди.
“Катчы Блинкен, куттуктооңуз үчүн рахмат. Америкалык досторубуз менен биргеликте Тайвань Индо-Тынч океан чөлкөмүндө демократияны, тынчтыкты жана гүлдөп-өнүгүүнү мындан ары да алга жылдырууга умтулат»,-деди ал.
Кийинчерээк Кытайдын Тышкы иштер министрлиги жана Кытайдын чет өлкөлөрдөгү элчиликтери башка өлкөлөрдүн жетекчилерине Лай Циндени куттуктоодон алыс болууну эскертти.
Өткөн ишембиде Тайвандын эли президенттик шайлоого добуш берди. Бюллетендердин 98 пайызын эсептөөнүн жыйынтыгында Лай Циндэ президенттик жарышта жеңишке жетти. Ал шайлоочулардын 40,2 пайыз добушун алган.
