Жогорку Кеңештеги “Элдик” депутат тобунун жана Транспорт, коммуникациялар, архитектура жана курулуш боюнча комитеттин мүчөсү Тазабек Икрамов мандатынан ажырады. Мандатын тапшыруу боюнча Борбордук шайлоо комиссиясына өзү арыз жазган. БШК 19-июлдагы жыйынында Тазабек Икрамовду мандатынан ажыратты.
17-июлда Жогорку Кеңештин депутаты Тазабек Икрамов Улуттук коопсуздук мамлекеттик комитетине суракка чакырылганы тууралуу кабарланган. Бирок, кайсы иш боюнча экени маалымдала элек. Депутаттын өзү менен да байланышуу азырынча мүмкүн боло элек.
Тазабек Икрамов 2021-жылы өткөн шайлоодо бир мандаттуу Сузак округунан шайланып келген.
