Тажикстандын Футбол федерациясы Орусия улуттук курама командасы менен ноябрда боло турган жолдоштук беттешинен баш тартты.
ТАСС агенттиги кабарлагандай, Тажикстандын футбол федерациясы Россиянын футбол союзу сунуш менен 2024-жылдын июнь-июль айларында чыкканын, бирок тажик командасынын үйүндө ноябрга белгиленген башка беттештери бар экенин билдирди.
7-15-октябрга чейин Орусия курама командасынын кезектеги машыгуулары өтөт. Орусия футбол союзунун башкы катчысы Максим Митрофанов журналисттерге билдиргендей, машыгуу лагери жолдоштук беттешүү болбосо да улана тургандыгын айткан. Пакистандын футбол федерациясы сентябрдын орто ченинде Орусия футбол курамасы менен октябрдагы беттешти өткөрүү мүмкүн болбой турганын билдирген.
Ноябрда Орусия курама командасынын жолдоштук беттештердеги эки атаандашынын бири Сирия курамасы болушу керек деп күтүлүүдө, тараптар келишимге кол коюуга аз калды.
Белгилей кетсек, 2022-жылдын февраль айында ФИФА менен УЕФА орусиялык клубдарды жана улуттук курамаларды эл аралык турнирлерге катышуудан четтеткен. Ошондон бери Орусиянын бардык курактагы курама командалары жолдоштук беттештерди гана өткөрүп келишет. Орусия менен Тажикстандын курама командалары буга чейинки жолдоштук беттешин 2022-жылдын ноябрь айында өткөрүшкөн. Оюн 0:0 эсебинде тең чыгуу менен аяктады.
Чоң жолдо төрт жүк ташуучу, жети жеңил унаа кагышты
Москванын жанында М-2 “Крым” трассасында төрт жүк ташуучу унаа жана жети жеңил унаа кагылышты. Кырсык тууралуу Россиянын Ички иштер министрлигинин Москва облусу боюнча башкармалыгы Telegram-каналында билдирди. Мекеменин маалыматына караганда, кырсык автожолдун 103-чакырымында, Серпухов шаардык округунда болгон. Жүк ташуучу унаанын айдоочусу үч жүк ташуучу унаа жана жети жеңил унаа менен кагылышкан. […]
