Тажикстан Республикасынын Улуттук китепканасында кыргыз элинин улуу жазуучусу Чыңгыз Айтматовдун 95 жылдыгына карата тегерек үстөл болуп өттү.
Мындай маалыматты Таджикистандын белгилүү музыканты, “Парем” тобунун жетекчиси Олим Ширинов билдирди. Борбор Азия боюнча эң чоң китепкана Тажикстанда жайгашкан. Анда Чыңгыз Айтматов жөнүндө көркөм тасма көрсөтүлүп, илимдин жана адабияттын өкүлдөрү анын чыгармаларына токтолушту. Айрыкча, Чыңгыз Айтматов тирүү кезинде тартылып алынган Тажик элинин улуу акындары Мирзо Турсунзаде менен Садриддин Айни тууралуу курган маегин көрсөтүштү. Чыңгыз Айтматовду дүйнөлүк маданияттын кенчи жана Кыргыздын сыймыктуу уулу деп аташты.
