Тажикстан Президенти Эмомали Рахмон 35 мыйзамга кол койду. Алардын арасында “Салтанаттарды жана жөрөлгөлөрдү жөнгө салуу жөнүндө” мыйзам да бар. Ошону менен бирге өлкөдө “чет элдик кийимди” кийүүгө тыюу салат. Мыйзам Тажикстанда хиджаб кийүү үчүн айыптар жана аялдарга аны жоолук катары кийүүнү талап кылуу жөнүндө билдирүүлөрдүн фонунда кабыл алынган. Мыйзамды сактабагандарга айып пул салынат. Бирок мыйзамда кайсы кийим “чет элдик” деп эсептелери такталган эмес. Ошондой эле президент ысырапкорчулукка жана “идгардак” жөрөлгөсүнө тыюу салган мыйзамдарга кол койду. Идгардак — Курман айт, Орозо айт жана Нооруз майрамы менен байланышкан жөрөлгө. Бул учурда балдар кооз кийим кийип, чоң баштыктар менен үйлөрдү кыдырып, ар кандай сыйлыктарды сурашат. Тажик президенттин басма сөз кызматы мыйзамдар “чоң баалуулуктарды жана улуттук маданиятты коргоо”, ырым-жырымдар жана жаңылыштыктарды алдын алуу, майрамдарды өткөрүүдө “ысырапкорчулукту жана ашыкча чыгымдарды” алдын алуу максатында кабыл алынганын тактайт.
Март айында Рахмон хиджаб кийүүгө каршы чыгып, аны “чет элдик кийим” деп атаган.
Бишкектин социалдык объекттилердин курулушуна 3,5 млрд сом бөлүндү
Бишкек шаардык мэриясы социалдык объектилердин курулушуна жергиликтүү бюджеттен 3,5 миллиард сом бөлдү. Бул тууралуу бүгүн, 21-июнда Жогорку Кеңештин жыйынында борбор калаанын мэри Айбек Жунушалиев билдирди. Анын айтымында, кирешелерди көбөйтүү менен Бишкек мэриясы көптөн бери чечилбей келген орчундуу көйгөйлөрдү чечүүнүн үстүндө тынымсыз иш алып барууда. “Биринчи жолу жергиликтүү бюджеттен социалдык объекттилердин […]
