Акжол Махмудов Казакстанда өтүп жаткан күрөш боюнча Азия чемпионатында жеңүүчүсү болду.
Турнир 9-апрелде Казакстандын Астана шаарында старт алган.
Махмудов 77 кг салмак категориясында күч сынашып, өз жолун 1/4 финалдан баштаган. Анда түркмөнстандык атаандашын утуп алган. Жарым финалда Махмудов жапониялык каршылашын утуп, финалга жолдомо алды.
Ал эми чечүүчү беттеште Махмудов ирандык балбан менен беттешмек. Бирок аталган атаандашы жаракатына байланыштуу килем үстүнө чыккан жок.
Ошентип, Акжол Махмудов үчүнчү жолу Азия чемпиону аталды. Буга чейин 2018-2022-жылдары алтын байге тагынган.
77 кг
1/4 финал
Акжол Махмудов – Жейхун Овездурдыев (Түркмөнстан) – 9:0
1/2 финал
Акжол Махмудов – Кодай Сакураба (Жапония) – 9:1
Финал
Амин Явар Кавиянинежад (Иран) – Акжол Махмудов – атаандашы беттешүүдөн баш тартты.
