Айсулуу Тыныбекова Венгрияда өтүп жаткан эл аралык рейтингдик мелдеште алтын медаль жеңди. Бул тууралуу Дене тарбия жана спорт департаментинен билдиришти.
Маалыматка ылайык, кыргызстандык спортчу Тыныбекова 62 кг салмакта мелдештин 1/16 финалынан баштап катышты.
Кыргыз балбаны катары менен 4 жеңишке жетип, алтын үчүн кармаша болгариялык спортчу Биляна Дудова менен күрөшүп, жеңишти 2:1 эсебинде илип кетти.
Белгилей кетсек, Кыргызстандын эркин жана кыз-келиндер күрөшү боюнча улуттук курама командаларынын мүчөлөрү Венгриянын Будапешт шаарында 13-16-июль күндөрү өтүп жаткан “Polyak Imre & Varga Janos Memorial” эл аралык рейтингдик мелдешине катышууда.
