2024-жылдын 5-12-декабрында Ленкорань шаарында (Азербайжан) өспүрүмдөр арасындагы табигый илимдер боюнча «Таланттарды даярдоо лабораториясы — 2024» VII эл аралык олимпиадасы өтүп жатат.
Бул олимпиадага Азербайжан, Россия, Казакстан, Кыргызстан, Грузия, Өзбекстан, Тажикстандын жана Беларусь Республикасынын мектеп окуучулары катышууда.
Олимпиаданын күндүзгү туру 3 предмет — физика, химия жана математика боюнча тапшырмалардан турат.
Олимпиаданын алгачкы жеңүүчүлөрү аныкталды. Бишкек шаарындагы № 70 окуу-тарбиялык комплекс мектеп-гимназиянын 9-классынын окуучусу Султан Мусаходжаев 3-орунду ээледи. Окуучунун машыктыруучусу — математика боюнча Кыргызстандын курама командасынын машыктыруучусу Мамат Ишматов экендигин министрлик билдирди.
Окуучулардын кышкы каникулу качан башталат?
Кыргызстандагы мектеп окуучулары үчүн быйыл экинчи чейрек 30-декабрда жыйынтыкталып, кышкы каникул 12-январга чейин созулат. Бул тууралуу Билим берүү жана илим министрлиги маалымдады. Маалыматка ылайык, сабактар 13-январдан тарта башталат. Ал эми жаңы жылдык майрамда кыргызстандыктар 1-8-январь күндөрү эс алышат. Бөлүшүү:
