“Эгер президент өз мөөнөтүнө жетпесе, же, куулуп кетсе, ага мамлекеттик жеңилдиктер берилбеши керек. Ал өз эсебинен жашасын, эмнеге аны эл багышы керек”,- деп билдирди Сейит Атамбаев пленардык жыйында. Экс-президент Сооронбай Жээнбеков боюнча сөз козгоп, “мисалы, аны эл кууп салды. Толук мөөнөтүн өтөгөн жок. Мамлекеттен эбегейсиз чоң пенсия алат. Жөн койгула, жандап жүргөндөрүнө өзү төлөсүн”,- деди депутат.
Өткөн парламентте Сооронбай Жээнбековдун кол тийбестигин алуу боюнча маселе көтөрүлүп, депутаттар комиссия түзмөк болушкан.
Депутат 50 миң фейктин чоо - жайына кызыкты
“Мурдагы финполициянын жетекчисинин сөзүн тактап алайынчы. Ал бизде 50 миң фейк бар деп жатат ушул чынбы”,- деп сурады депутат Эльвира Сурабалдиева Маданият жана маалымат министри Алтынбек Максутовдон. Министр бул боюнча кабары жок экенин, ал эмес биринчи жолу угуп жатканын кыйытты эле Эльвира айым кайрадан сөз алып, “элдин жана журналисттердин арасында […]
