Галмудуг аймактык коопсуздук министри Мохамед Абди Адан Сомалинин куралдуу тобунун мүчөлөрү БУУнун тик учагын басып алышканын билдирди. Учакта бир нече чет элдиктер болгонун Reuters агенттиги аскерий булакка таянуу менен билдирди.
БУУнун тик учагы Сомалинин борборундагы Беледвейн шаарынан Висил шаарчасын көздөй бара жаткан. Бортто дары-дармектер болгон. Тик учак жарадар болгон жоокерлерди Галгуддан эвакуациялашы керек болчу.
“Вашингтон Пост” гезити тик учак тышкы таасирлерден улам Висил шаарчасына шашылыш конгондугун, андан соң “Аль-Шабаб” тобунун согушкерлери экипажды барымтага алганын кабарлады.
Рейтер агенттигинин БУУдагы булагы билдиргендей, тик учак уюмдун Сомалиге жардам берүү миссиясына таандык жана бортто беш чет элдик болгон.
