Кытай Тайвань менен биригүү процессин улантууну пландаштырууда. Бул тууралуу Кытайдын төрагасы Си Цзиньпин 14-чакырылыштагы Кытай Эл өкүлдөр жыйынынын биринчи сессиясынын жабылыш аземинде билдирди.
“Мекенди толук бириктирүү – бул бүткүл Кытай элинин жалпы умтулуусу жана улуттук кайра жаралуусунун маңызы. Тайвань маселесине тышкы факторлордун кийлигишүүсүнө Кытай чечкиндүү түрдө каршы чыгат. Аралдын көз каранды эместигине багытталган сепаратисттик аракеттер байкалбай калбайт”,-деди.
Анын айтымында, Тайвань маселесин чечүү боюнча Кытайдын Коммунисттик партиясынын стратегиясын ишке ашырууда “бир Кытай” принцибине таянуу, Пекин менен Тайбэй ортосундагы 1992-жылдагы консенсусту кармануу зарыл.
