Кытайдын төрагасы Си Цзиньпин АКШнын президенти Жо Байденге Тайванды Кытай менен кайра бириктирүүнү убада кылганын америкалык үч аткаминер билдирди.
Кытай менен АКШ лидерлеринин сүйлөшүүсү жакында Сан-Францискодо өткөн АТЭСтин саммитинин алкагында болду. Си Байденге АКШ жана Кытайдын ондогон расмий өкүлдөрү катышкан топтук жолугушууда Кытай Тайванды күч менен эмес, тынчтык жолу менен алууну артык көрөрүн ачык айтты. Кытай тарап ошондой эле Байденди Кытайдын Тайвань менен тынчтык жолу менен биригүү аракетин колдоо билдирүүсүн жарыялоого чакырды. Ак сарайдын расмий өкүлдөрдүн айтымында, бул сунушту четке какты.
