Сапаттын окуучулары окууда гана эмес спортто дагы ийгиликтер жаратууда. Бишкектеги Чыңгыз Айтматов атындагы лицейинин окуучулары Газпромдун жаштар жана өспүрүмдөр арасындагы футбол чемпионатында экинчи орунду ээлешти.
Жакшы даярдыгы бар, таланттуу оюнчулар талаада мыкты чеберчиликти жана командалык иштөөнү көрсөтүштү. Алардын күжүрмөн машыгуусу, жеңишке болгон умтулуусу атаандаштарын жеңип, жогорку деңгээлде чыгууга шарт түздү.
Чыңгыз Айтматов атындагы лицейдин окуучуларынын жетишкендиктери менен сыймыктанып, спортто ийгилик жараткан окуучуларды Эл аралык “Cапат” билим берүү мекемесинин жетекчилиги да куттукташты.