“Ливерпуль” клубунун лидери Мохаммед Салах футболдук карьерасын Сауд Арабияда улантат. Египеттик футболчу “Аль-Иттихадга” өтүүгө макул болгондугун чет элдик спорттук басылмалар жар салды.
Бирок, келишимдин ыктымалдыгы тууралуу эч кандай маалымат айтыла элек. Championship.com сайтынын маалыматына караганда, “Аль-Иттихад” Салах үчүн 90 миллион евро төлөөгө даяр. Бул трансфер Саудиянын футбол тарыхындагы эң кымбат трансфер болуп калат.
Белгилей кетсек, Мохаммеддин Ливерпуль менен келишими 2025-жылдын жайына чейин түзүлгөн. Салах “Ливерпуль” үчүн 7 жыл ойногон. Бул убакыт аралыгында египеттик кызылдар менен Англиянын чемпиондугун жана Чемпиондор Лигасын жеңип алган.
