Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. Бул тууралуу президенттин администрациясынан билдиришти.
Маалыматка ылайык, 24-25-апрелде боло турган сапардын алкагында мамлекет башчысы Азербайжандын президенти Ильхам Алиев менен эки тараптуу сүйлөшүүлөрдү өткөрүп, эки тараптуу жана көп тараптуу кызматташуунун актуалдуу маселелерин, ошондой эле мындан ары өнүктүрүүнүн жана натыйжалуу өз ара аракеттенүүнү куруунун келечегин талкуулайт.
Ошондой эле Мамлекеттер аралык кеңештин экинчи жыйынын өткөрүү пландаштырылууда, анын жыйынтыгы боюнча президенттердин Биргелешкен декларациясына жана соода-экономикалык жана маданий-гуманитардык чөйрөлөрдө кызматташууну тереңдетүүгө багытталган бир катар макулдашууларга кол коюлат.
Мамлекет башчылары ошондой эле Хыдырлы айылындагы орто мектептин курулушуна мезгил кутусун салуу аземине катышат.
Кыргыз Республикасынын расмий делегациясынын курамындагылар:
– тышкы иштер министри Жээнбек Кулубаев;
– министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жай министри Бакыт Төрөбаев;
– президенттин администрациясынын тышкы саясат бөлүмүнүн башчысы Муратбек Азымбакиев;
– билим берүү жана илим министри Догдуркүл Кендирбаева;
– маданият, маалымат, спорт жана жаштар саясаты министри Алтынбек Максутов;
– санариптик өнүктүрүү министри Нурия Кутнаева;
– транспорт жана коммуникациялар министри Тилек Текебаев;
– энергетика министри Таалайбек Ибраев;
– экономика жана коммерция министри Данияр Амангелдиев;
– эмгек, социалдык камсыздоо жана миграция министри Гүлнара Баатырова;
– саламаттык сактоо министри Алымкадыр Бейшеналиев;
– юстиция министри Аяз Баетов;
– “Мамлекеттик Ипотекалык Компания” ачык акционердик коомунун башкармасынын төрагасы Алмамбет Шыкмаматов;
– Кыргызстандын Азербайжандагы элчиси Кайрат Осмоналиев;
– КР президентинин иш башкаруучусу Каныбек Туманбаев.
Немис мектептериндеги мусулман окуучулардын саны өсүүдө
Германияда Жакынкы Чыгыш өлкөлөрүнөн келген миграциядан улам мектептерде мусулман окуучулардын саны кескин көбөйүп жаткан чакта, Ислам динин кабыл алууну каалаган балдардын саны өсүүдө. Бул тууралуу Bild гезити Германиянын мамлекеттик коопсуздук кызматындагы булакка шилтеме берүү менен билдирди. Маалыматта немис балдарынын ата-энелери балдары мусулман болууну каалашкандыктан кеңеш берүү борборлоруна көбүрөөк кайрыла баштаганын […]
