Президент Садыр Жапаров бүгүн, 19-сентябрда, Кыргыз Республикасынын Баатыры Апас Жумагулов жана анын жубайы менен Президенттин Администрациясынын “Ынтымак Ордо” имаратында жолугушту. Бул тууралуу президенттин басма сөз кызматы кабарлады.
Мамлекет башчысы Апас Жумагуловдун Кыргызстандын өнүгүшүнө кошкон зор салымын, айрыкча, ал өкмөттү жетектеп турганда, өлкө татаал кырдаалга туш болгондо, саясий жана экономикалык кризистен чыгуунун жолун тапканын белгиледи. Садыр Жапаров Апас Жумагуловдун жетекчилиги астында өлкө туруктуу өнүгүү жолуна түшкөнүн айтып өттү.
Президент Апас Жумагулов сыяктуу көрүнүктүү инсандардын жана мамлекеттик ишмерлердин портреттери мамлекеттик мекемелердин дубалдарында илинип турушу керектигин баса белгиледи.
Буга байланыштуу Садыр Жапаров 2024-жылы Кыргыз Республикасынын экономикалык, социалдык жана маданий калыптанышына зор салым кошкон Кыргыз Республикасынын Баатыры Апас Жумагуловдун 90 жылдыгын белгилөө максатында Кыргыз Республикасынын Президентинин фондунан Апас Жумагуловдун параддык портретин Президенттин Администрациясынын “Ынтымак Ордо” имаратынын коридоруна орнотуу үчүн президенттин Иш башкармасына каражат бөлүнөрүн белгиледи.
Өз кезегинде Апас Жумагулов мамлекет башчысына көңүл бургандыгы үчүн ыраазычылык айтып, мындан ары да өлкөнүн бакубаттуулугун жана гүлдөп өнүгүшүн чыңдоого активдүү көмөктөшүүгө даяр экендигин билдирди.
Президент Садыр Жапаров Апас Жумагуловго эстеликке белектерди тапшырып, анын мамлекеттин өнүгүшүнө жана элге кызмат кылуудагы көп жылдык салымы үчүн терең ыраазычылыгын билдирди.
Кыргызстандын бокс боюнча курамасы Эл аралык мелдешке даярданууда
Кыргызстандын бокс боюнча улуттук курама командасынын мүчөлөрү Чолпон-Ата шаарында окуу машыгуу жыйынын өткөрүүдө. Бул тууралуу Дене тарбия жана спорт департаментинен билдиришти. Маалыматка ылайык, 7-сентябрда башталган окуу-машыгуу жыйыны 24-сентябрда жыйынтыкталат. Машыгуулар эл аралык мелдештерге даярдык көрүү максатында уюштурулган. Курама команданын тизмеси: 48 кг Анвар Ходжиев; 51 кг Бекзат Эргешов; 54 кг […]
