Кыргыз Республикасынын Президенти Садыр Жапаров Россия Федерациясынын Президенти Владимир Путиндин чакыруусу боюнча 20-21-февралда Россия Федерациясына иш сапары менен барат. Бул тууралуу Президенттин Администрациясынын тышкы саясат бөлүмүнүн башчысы Муратбек Азымбакиев билдирди.
«Мамлекет башчысы Казань шаарында өтө турган «Келечек Оюндары» эл аралык мультиспорттук мелдештердин расмий ачылыш аземине катышат.
Бул иш-чарада 21 өзгөчө инновациялык дисциплиналар боюнча ар кыл өлкөлөрдөн келген 260тан ашык команданын жана 2000ге жакын спортчулардын жана компьютердик (кибер) спортчулардын катышуусунда фиджитал спорт, компьютердик (e-sports) спорт түрүндөгү спорттук мелдештер топтому өткөрүлөт.
Чет мамлекеттердин бир катар башчыларынын, көрүнүктүү эл аралык жана коомдук ишмерлердин, ири IT компанияларынын жетекчилеринин катышуусу күтүлүүдө. Иш-чаранын алкагында Кыргызстандын Президенти Садыр Жапаров менен Россиянын Президенти Владимир Путиндин жана Татарстан Республикасынын Башчысы Рустам Миннихановдун эки тараптуу жолугушуулары өтөт.
Жолугушуулардын жүрүшүндө тараптар кыргыз-россия кызматташтыгынын актуалдуу маселелерин, анын ичинде соода-экономикалык, маданий-гуманитардык жана инвестициялык чөйрөлөрдөгү маселелерди талкуулашат», — деп белгиледи Муратбек Азымбакиев.
Биринчи жолу WORLDSKILLS жумушчу кесиптердин Улуттук чемпионаты өткөрүлөт
Эртең, 20-февралда кесиптик лицейлердин жана колледждердин окуучулары арасында WorldSkills Kyrgyzstan жумушчу кесиптердин улуттук чемпионатынын ачылыш аземи өтөт. Мындай маалыматты билим берүү министринин басма сөз кызматынын жетекчиси Гүлмира Үмөталиева билдирди. Маалыматка ылайык, салтанатка Жогорку Кеңештин депутаттары, Билим берүү жана илим министри, Эмгек, социалдык камсыздоо жана миграция министри, ошондой эле эл аралык […]
