Президент Садыр Жапаров иш сапары менен Казакстандын Астана шаарына келди.
Мамлекет башчысынын борту Астанадагы эл аралык аэропортко конду.
Президент Садыр Жапаровду Казакстандын премьер-министри Олжас Бектенов жана башка расмий адамдар тосуп алышты.
Аэропорттун флагштокторуна Жамааттык коопсуздук жөнүндө келишими Уюмуна (ЖККУ) кирген мамлекеттердин желектери илинди, килем төшөлүп, Ардак кароолдун ротасы тизилди.
Иш сапардын алкагында президент Садыр Жапаров ЖККУнун Жамааттык коопсуздук кеңешинин кезектеги сессиясына катышат.
Путин Астанага мамлекеттик сапар менен келди
Россиянын президенти Казакстанга эки күндүк мамлекеттик сапары менен келди. Аны аэропорттон Казакстан Президенти Касым-Жомарт Токаев тосуп алды. Путин менен Токаев россиялык-казакстандык стратегиялык өнөктөштүктү жана союздаштык мамилелерди ар тараптуу өнүктүрүү маселелерин талкуулашат. Ошондой эле Казакстандын быйыл ЖККУга төрагалыгын, ал эми Россиянын Көзкарандысыз Мамлекеттер Шериктештигине жана БРИКСке төрагалыгын эске алуу менен ар […]
