Самаркандда Афганистанга кошуна мамлекеттердин министрлеринин конференциясынын алкагында Россия, Кытай, Ирандын тышкы иштер министрлери жана Пакистандын тышкы иштер боюнча мамлекеттик министри жолугушууда.
Жолугушуу башталар алдында Сергей Лавров, Цин Ганг, Хоссейн Амир Абдоллахиан жана Раббани Хар бирге сүрөткө түшүп, андан соң жолугушуу жабык форматта уланды.
Конференцияга Тажикстан, Түркмөнстан жана Өзбекстандын тышкы иштер министрлери да катышууда. Алар Афганистандагы гуманитардык жана социалдык-экономикалык абалды турукташтыруу, аймактык экономикалык интеграцияны өнүктүрүү жана Кабулдун катышуусу менен транспорттук-энергетикалык долбоорлорду ишке ашыруу боюнча мындан аркы кадамдарды талкуулашат.
