Түштүк Кореянын БУУнун Коопсуздук Кеңешиндеги төрагалыгы аяктады. 1-июлдан тартып бул роль Россияга өттү. Коопсуздук Кеңешине төрагалык ай сайын бир өлкөдөн экинчи өлкөгө өтөт.
Россия төрагалык кылуу мезгилине үч негизги иш-чара пландаганын БУУдагы РФнын туруктуу өкүлү Василий Небензя билдирди. Алардын бири – адилеттүү, демократиялык жана туруктуу дүйнө тартибин куруу үчүн көп тараптуу кызматташтык боюнча ачык дебаттар. Жыйын 16-июлга белгиленген.
17-июлда, Жакынкы Чыгышты жөнгө салуу боюнча ачык дебаттар өтөт. Эки иш-чара тең Россиянын тышкы иштер министри Сергей Лавровдун төрагалыгы астында өтөөрү күтүлүүдө.
19-июлда БУУнун ЖККУ, КМШ жана ШКУ менен кызматташуу боюнча дебаттар пландаштырылган. Мырза Небензя, Россия төрагалык кылуу мезгилинде Коопсуздук Кеңешинин алкагында Севастополдогу пляжга ATACMS колдонулган чабуул талкууланышы мүмкүн экенин айткан.
Камчыбек Ташиев Олимпиадага жолдомо уткан балбандар менен жолукту
Министрлер кабинетинин төрагасынын орун басары – Улуттук коопсуздук мамлекеттик комитетинин төрагасы Камчыбек Ташиев Парижде өтө турган 2024-жылкы жайкы Олимпиада оюндарына Кыргызстандын атынан бара жаткан грек-рим, эркин күрөш жана кыз-келиндер күрөшү боюнча курама командасынын мүчөлөрү жана машыктыруучулары менен жолугушту. Жолугушуунун жүрүшүндө Камчыбек Ташиев олимпиада оюндарына катышуучу балбандарга ийгилик каалап, күрөшчүлөрдүн ар […]
